ग्रुप ग्रामपंचायत मांडा- वावेघर 

 मांडा-वावेघर हे गाव वाडा तालुका, पालघर जिल्हा येथे वसलेले आहे.

२०११ च्या भारतीय जनगणनेनुसार गावात सुमारे ६०० कुटुंबे राहतात. एकूण लोकसंख्या अंदाजे ३०२९ असून त्यापैकी १५१७ पुरुष व १५१२ महिला आहेत. गावात प्रामुख्याने आदिवासी व कुणबी समाजातील लोक वास्तव्यास आहेत.

कुणबी समाजाचा मुख्य व्यवसाय शेती हा असून भातशेती मोठ्या प्रमाणावर केली जाते. पावसाळ्यावर आधारित शेती येथे प्रचलित आहे. आदिवासी समाजातील अनेक लोक शेतमजूर, वीटभट्टीमजूर तसेच बांधकाम क्षेत्रात कामगार म्हणून कार्य करतात. काही कुटुंबे पूरक उत्पन्नासाठी कुक्कुटपालन, बकरीपालन तसेच लहान प्रमाणात पशुपालन करतात.